Македонија го освои 12-то место на СП – пресуди лошото прво полувреме со Хрватска (ФОТО)
Да играше Македонија како во второто полувреме, во кое успеа да дојде на минус три од џиновските минус 12 на стартот на вториот дел, веројатно избраничките на Љубомир Савевски и ќе се радуваа и победнички ќе го завршеа СП, но пресуди лошиот прв дел во кој брзбројните грешки на хрватките им овозможија комоција од плус десет (10-20) и само поради слабиот ефект од нападите (пет гола од вкупно десетте), многуте загубени топки, периодот од осум минути без даден гол и серијата од 13-4 во втората половина од првиот дел, после минималните 7-6 кои се претворија во 20-10 на паузата.
Хрватска во вториот дел дојде до најголемите плус 12 и застана, а Македонија заигра далеку подобро, посебно во одбрана, форсирајќи ги противничките да грешат, а со брзи голови успеаа да направат серија од 10-1 и предноста да ја стопат на достижни минус три (23-26), но противничките после тајмаут се соземаа, брзо дојдоа на покомотна предност од пет-шест гола и не дозволија епски кам-бек на Македонија.
Емилијана Ризоска беше најефикасна во нашиот табор со девет гола, а Теодора Дукоска додаде шест. Анџела Жагар со девет беше најефикасна кај Хрватките, а шест даде Ива Буле