Кадетите ја сомлеа и Летонија, Македонија непоразена оди во полуфиналето!

На избраниците на Раде Стојановиќ им требаа десетина минути за да почнат да ја покажуваат разликата во квалитет во однос на Летонците. Од осмата до 12-тата не примија гол, благодарение на организираната одбрана и расположениот Давид Брестовац и со серија од четири гола поведоа со 8-3. Имаше и втор ваков наш налет, кој го однесе резултатот до уште поголема предност. 

Ја сочувавме мрежата недопрена нови шест минути, за кои направивме низа од 7-0 и дојдовме до предност од 16-8. До крајот останаа уште десетина минути, а позитивата стана и двоцифрена, за на пауата да важи 21-12. Поддржани од домашната публика Летонците имаа добри секвенци во вториот дел, но Македонија главно го контролираше мечот и предноста ја држеше од 9 до 12 разлика.

Фактот што немаме класичен десен бек, откако Димитар Узунчев се повреди, не се почувствува во играта, затоа што покриваа деснораките ракометари, а и крилото Александар Петковски по потреба. Сепак, ќе биде предизвик за стручниот штаб да се игра со овој недостаток и во мечевите за медали, против Луксембург и против Швајцарија. Денеска Тодор Узунчев беше најефикасен со седум гола, но играч на мечот беше прогласен Томислав Димковски, кој постигна шест. Со шест придонесе и Петковски, а одново одличен беше Брестовац со 11 одбрани.

Утре е слободен ден, а в сабота од 15 часот играме полуфинале, со поразениот од денешниот меч меѓу Луксембур и Швајцарија или во случај на нерешено, против Луксембург, кој има послаба гол-разлика во групата А.