Германците си ја признаа грешката: Тоше Проески екна во „Олимпијахале“! (ВИДЕО)
Турската песна која беше пуштана во „Олимпијахале“ како македонска навивачка химна е тргната од репертоарот. Организаторите во Минхен признаа дека направиле грешка без да знаат.
„Таа песна беше грешка, навистина немавме никаква намера. Веќе ни алармираа и на следниот меч ќе си ја поправиме грешката“, ни одговори шефицата на прес-центарот во Минхен.
И навистина, пред мечот со Хрватска, кога официјалниот спикер ја најави македонската навивачка химна во салата екна „Македонија навива за вас“ од Тоше Проески.