Болзинже со одбрана со глава ѝ донесе бронза на Франција

Франција во првите 20 минути од полувремето постојано водеше со еден гол, но Португалија го следеше нивниот чекор до 12-12. Французите конечно му избегаа на ривалот (15-12), меѓутоа ривалот не им дозволи да создадат посериозна предност пред паузата (19-17).

Драмата продолжи и во вториот дел, а Португалија подобро отвори и поведе со 26-24. Французите, сепак, го возвратија ударот и успеаја со предност да влезат во самата завршница. Португалците имаа шанса за израмнување во последните секунди, меѓутоа голманот Шарл Болзинже со одбрана со глава успеа да го зачува голот за конечни 35-34.