Загреб го декласира Нексе, Чупиќ со нов трофеј замина во пензија!

23 мај 2024 - 20:00

Ракометарите на Загреб триумфираа со 37-23 против Нексе и ја освоија шампионската титула во домашното првенство, а воедно тоа беше последен меч за Иван Чупиќ.

Загреб доминираше во текот на целиот натпревар, односно првото полувреме го доби со 19-8, додека во вторите 30 минути рутински ја потврди победата.

Најефикасни во редовите на шампионот беа Кос и Кларица со по шест голови, додека шест погодоци постигна и Вејин на спротивната страна.

Поранешниот вардарец Чупиќ во второто полувреме беше поздравен од присутните во салата и официјално ја заврши играчката кариера, но ќе остане во стручниот штаб на Загреб.