Стоилов: Мора да покажеме карактер и да славиме против Партизан!

Капитенот Стојанче Стоилов кажа дека немале многу време за подготовка поради долгото патување од Прешов, меѓутоа е оптимист за дуелот против Партизан и очекува добар резултат.

„Не очекувам полна сала против Партизан, но се надевам дека гледачите ќе дојдат во поголем број. Нивната бројност ни олеснува во некои натпревари. Партизан е млада екипа, но ние играме дома и сме фаворити. Со Татран имавме конфузен натпревар. Треба да се вклопат коцките, имаме четири нови ракометари. Февруари е тежок месец за играње по првенство, добро знам зашто сум го преживеал тој месец. Имавме долго патување од Прешов, немаме многу време за подготовка, но треба да покажеме карактер и да го завршиме мечот со Партизан во наша полза“, кажа Стоилов.