Веспрем го освои Букурешт, Алборг го декласира Спортинг

24 септември 2025 - 20:35

Унгарскиот тим Веспрем славеше против Динамо Букурешт со 30-27, додека Алборг го декласира Спортинг Лисабон со 35-30 во третото коло од ракометната Лига на шампиони (ЛШ).

По изедначеното прво полувреме, Динамо успеа да поведе со 22-20, меѓутоа Веспрем го возврати ударот и набрзо презема контрола врз мечот за триумф од 30-27.

Најефикасен во победничкиот состав беше Ремили со седум голови, додека седум погодоци за Динамо постигна Лангаро.

Алборг беше пресилен за Спортинг и победата ја најави уште во првото полувреме (18-12), додека во вториот дел без проблеми го наполни голот на гостинскиот тим за 35-30.

Јул Ласен постигна девет голови за Алборг, додека Торкелсон и Кошта запишаа по шест погодоци за Спортинг.

Standings provided by Sofascore

Фото: EPA