Милосављев се збогува со Комити и се одјави со „Ја излези Ѓурѓо“ (ФОТО)

04 јуни 2019 - 13:23

Српскиот голман на новиот европски првак Вардар, Дејан Милосављев после само една година заминува од таборот на црвено-црните и тоа на најубав начин – со европска титула и со дочек кој вечно ќе гопамети.

Милосављев дојде како анонимус, но брзо се наметна како еден од најдобрите голмани и стана миленик на вардаровата пиблика. Вчера плоштадот Македонија еруптираше кога Милосављев дојде до збор, а денеска после величенствениот дочек, српскиот голман емотивно на фејсбук се прости од најверните навивачи.

И тоа го направи со стиховите од песната „Ја излези Ѓурѓо“, која веќе од поодамна е една од хитовите на вардаровите навивачи.

„Ја излези Ѓурѓо, ја излези сестро, ја излези Ѓурѓо на пенџере... Да ги видиш Ѓурѓо, да ги видиш сестро КОМИТИТЕ – Македонците“, напиша Милосављев.

Српскиот голман заминува во Фуксе Берлин со кој потпиша петгодишен договор.