Хаџиќ избран за МВП, тројца пелистерци во најдобриот тим!

18 април 2025 - 20:19

Младинците на Пелистер успеаја да се пласираат на завршниот турнир во Лигата на шампиони (ЛШ) во Келн, откако остварија две победи на квалификацискиот турнир.

Пелистер славеше против Кјелце и Динамо Букурешт, а еден од најзаслужните за триумфите, како и најдобар стрелец беше Алем Хаџиќ со вкупно 26 голови.

Хаџиќ беше избран и за МВП поради неговите одлични настапи, но се најде и во идеалниот тим на турнирот, каде што друштво му прават неговите соиграчи Јован Марковски и Леонид Лозановски.

Во идеалниот тим се избрани уште и Станчиу, Думитру, Негрила и Матеи.