Георгиевски: Секој натпревар има своја тежина и секоја победа носи самодоверба

Репрезентативното крило сега очекува нов тежок дуел со Мотор Запорожје во СЕХА-лигата. Иако не се работи за Лига на шампиони, популарниот Џомба смета дека секоја натпревар е шанса за нова победа, која би донела уште поголема самодоверба. 

„Ни следува натпревар со Мотор Запорожје во друго натпреварување. Ова е тежок период, бидејќи месецов одигравме доста натпревари. Знаевме дека ќе биде вака, го очекувавме овој период, но како и за нас така и за другите е исто. Постојано сме во подготовки, тренинзи, патувања, натпревари. Мотор е сериозен ривал, кој игра добро во Лигата на шампиони и се наоѓа на 3.место во својата група. Од она што можевме да го видиме, се работи за екипа која трча многу и постигнува голови. Квалитетен ривал, која може да ни биде и потенцијален ривал во осминафиналето во Лигата на шампиони. Може секој да ни биде ривал. Мора добро да се подготвиме. Се работи за СЕХА-лига, но секој натпревар има своја тежина и секоја победа носи поголема самодоверба и подобра атмосфера. Ова е важен натпревар за нас и се надевам дека добро ќе се подготвиме и ќе дојдеме до поволен резултат“, изјави Георгеивски.