Есбјерг го совлада Мец во „малото финале“ во ЛШ

01 јуни 2025 - 17:27

Ракометарките на Есбјерг триумфираа против Мец во „малото финале“ во Лигата на шампиони (ЛШ) со 30-27.

Француската екипа имаше подобар почеток на дуелот, меѓутоа Есбјерг на паузата замина со 17-16. Големата борба продолжи во второто полувреме, каде што ракометарките на данскиот тим триумфираа со 30-27.

Најдобра во победничкиот состав беше Хени Рајстад со осум голови, додека Буктит стрелаше шест пати за Мец.

Во финалето на женската ЛШ ќе се соочат Ѓер и Оденсе од 18 часот.

Фото: EPA PHOTO