Ветеранот Вујин две сезони ќе го носи дресот на Вардар!

10 јули 2020 - 13:10

Актуелниот европски шампион Вардар денеска промовираше уште едно засилување за следната сезона, односно искусниот српски интернационалец Марко Вујин.

Вујин минатата сезона настапуваше за екипата на Спортинг, а претходно седум години го носеше дресот на Кил, па нема сомнеж дека ќе внесе дополнителен квалитет и искуство во екипата на „црвено-црните“.

Десниот бек со богата интернационална кариера потпиша двегодишен договор со Вардар, а во следната сезона ќе го носи бројот 41 на неговиот дрес.

Вардар промовираше уште неколку засилувања, меѓу кои македонските репрезентативци Гоце Георгиевски и Филип Талески, како и Анте Гаџа и Јосип Векиќ.