Шпанецот Раул и официјално го презема Пелистер

18 ноември 2024 - 16:04

Шпанскиот тренер Раул Алонсо и официјално беше претставен како нов стратег на актуелниот македонски ракометен шампион Пелистер.

Алонсо потпиша договор на една ипол години со екипата од Битола, а веќе го одработи и првиот тренинг со неговите ракометари. Спортскиот директор Звонко Шундовски се сретна со шпанскиот стратег и го запозна со клубот и градот.

Станува збор за искусен 45-годишен тренер кој дел од кариерата помина во Германија, каде што работеше за Обернбург и Рајн Мен Бинен, по што беше дел и од Кил. Исто така, Алонсо со успех во водеше Тирол, а потоа седна и на кормилото на Мешков Брест и Ерланген.

Дебито на Шпанецот Раул е закажано за в среда од 20.45 часот против Фредериција во Лигата на шампиони.