РФМ ја прифати жалбата и му ја додели победата на Бутел! (ВИДЕО)

23 мај 2023 - 16:43

Натпреварувачката комисија на Ракометната федерација на Македонија (РФМ) ја прифати жалбата на Бутел и му ја додели победата (23-22) од мечот против Пролет, иако претходно натпреварот заврши нерешено (23-23).

Пролет го постигна голот за реми во последната секунда од мечот од пенал, но било утврдено дека часовникот бил запрен кога требало времето да тече и натпреварот траел 7,5 секунди повеќе од регуларното време.

Екипата на Пролет вчера преку соопштение порача дека победата треба да му биде препишана на Бутел.