Пелистер 2 го прегази Голден Арт и избега од зоната за испаѓање

Ракометарите на Пелистер 2 беа подобри од Голден Арт со 39-25 во претпоследното коло од разигрувањето за опстанок во Суперлигата.

Голден Арт имаше предност на стартот на мечот (4-2), но потоа Пелистер 2 ја презема контролата и на паузата замина 20-15.

Битолчани доминираа во второто полувреме и постојано го зголемуваа водството до конечни 39-25.

Пелистер 2 има 33 бодови, колку и Прилеп по 13 одиграни меча, додека зад нив е Куманово со еден бод помалку.