Моментот кога Галевски ги расплака своите битолчани! (ВИДЕО)

30 ноември 2025 - 21:21

Младиот македонски репрезентативец Иван Галевски повторно е херој на Алкалоид и повторно против Пелистер од неговиот роден град Битола.

Лани во финалето од Купот на Македонија, тој беше најзаслужен за историскиот триумф на Алкалоид, а денеска одбрани пенал во клучните моменти со кој тимот од Автокоманда освои бод и покрај тоа што губеше со седум разлика кон средината на второто полувреме.

На пеналот му претходеше размена на провокации со противничкиот ракометар Хосни, но Галевски и покрај тоа што има само 20 години, остана присебен и го одбрани клучниот удар од седум метри.