Седум лица завршиле во полиција по дербито на Вардар и Шкупи!

30 ноември 2025 - 20:27

Екипата на Вардар денеска со 6-1 го декласираше Шкупи на натпреварот кој се играше на терените на ФФМ, а по овој дуел биле приведени седум лица.

Министертвото за внатрешни работи соопшти дека причина за реакцијата и приведувањето на лицата било фрлањето пиротехнички средства со што го нарушиле јавниот ред и мир.

„Денеска (30.11.2025) по завршување на фудбалскиот напревар во рамките на Прва македонска фудбалска лига одигран помеѓу екипите на ФК Вардар АД Скопје и ФК Шкупи Скопје одигран на спортскиот комплекс на ФФМ “Петар Милошевски”, поради сторени прекршоци со фрлање на пиротехнички средства од Законот за спречување на насилство на спортски натпревари, како и за нарушување на јавниот ред и мир со непристојно и дрско однесување и непочитување наредба на полициски службеници на две одделни локации на подрачје на град Скопје, приведени се вкупно седум лица и против истите ќе бидат преземени мерки согласно законските прописи“, објави МВР.