Вардар го растури Шкупи, хет-трик на Омерагиќ (ФОТО)

„Црвено-црните“ го скршија отпорот на екипата од Чаир по 36 минути игра, кога Горан Закариќ со два погодоци за една минута донесе предност од 2-0 за Вардар.

На стартот на вториот дел Михаил Талевски погоди за 3-0, по што Азер Омерагиќ набрзо дополнително го зголеми водството.

Шкупи успеа да стрела преку Марио Станковски и да намали на 1-4, но со тоа само ги налути „црвено-црните“ кои нападнаа уште пожестоко кон голот на гостите и набрзо Омерагиќ повторно се запиша во листата на стрелци.

Вардар ја потврди победата во самата завршница, кога Омерагиќ го комплетира хет-трикот во 84. минута и ги постави конечните 6-1, со што освои нови три бодови со кои остана на лидерската позиција, со еден поен повеќе од Струга.