Фантастично: Со гол „ала Пранди“ се изборија за ракометната елита (ВИДЕО)

09 јуни 2024 - 18:10

Баражот за опстанок, односно пласман во ракометната Суперлига имаше исклучително драматичен финиш во кој повеќе среќа и знаење имаше Радовиш и обезбеди минимален триумф против Пелистер 2.

Талисман на радовишани беше Постолов кој погоди со истекот на времето, со удар од девет метри, преку жив ѕид од противнички играчи. Неговиот гол наликуваше на оној на францускиот репрезентативец Пранди во полуфиналето од Европското првенство со кој „триколорите“ избегнаа пораз од Шведска и се изборија за продолженија, а потоа и за пласман во мечот за титулата.