Експресна реакција на Пелистер - продолжен договорот со словенечкиот бек

29 март 2026 - 12:06

Откако вчера на социјалните мрежи беше објавено дека Ник Хенигман би можел да го напушти Пелистер на крајот од оваа сезона и да се пресели во Алкалоид, денеска излезе официјална информација од редовите на актуелниот шампион на Македонија.

Словенечкиот лев бек останува во Битола бидејќи Пелистер го продолжи договорот за идната сезона сезона, со можност за продолжување на уште една. Ако опцијата биде искористена, Хенигман би останал во редовите на битолскиот клуб до 2028 година.

 

 

Хенигман дојде во Пелистер минатото лето од францускиот Шартр, а во кариерата играл уште за Сен Рафаел, Пик Сегед и Рибница.