Алкалоид му гостува на Пелистер на жешкиот терен во Битола

Претходната пресметка меѓу Пелистер и Алкалоид во Скопје понуди атрактивен ракомет и големи возбудувања до последниот звук на сирената, кога битолчани успеаја да освојат голем бод (33-33).

Голема борба се очекува и денеска меѓу двете екипи, а резултатот од оваа средба може да ја измеша трката за титулата во која моментално лидер е Вардар со 28 бодови.

Пелистер пред четири дена имаше тешка пресметка против Магдебург во салата „Боро Чурлески“ (26-31), додека Алкалоид доби доволно време да се одмори и подготви за дербито во Битола.

По лидерот на табелата следи Пелистер со 23 поени, Охрид има 21, додека Алкалоид е на четвртата позиција со 20 бода.