Алкалоид лесно го совлада Прилеп за 14. триумф во Суперлигата

13 декември 2024 - 20:53

Ракометарите на Алкалоид триумфираа против Прилеп со 40-30 за 14. победа во македонската Суперлига.

Прилеп го почна мечот со водство од 2-0, но набрзо избраниците на Кире Лазаров го свртеа резултатот во своја корист (7-3), по што предноста растеше до 18-13 на полувремето.

Домаќинот не успеа да ја врати неизвесноста на стартот на вториот дел бидејќи Алкалоид беше одличен во одбраната, но и нападот за на крајот да триумфира со 40-30.

Александар Петковски постигна шест голови за Алкалоид, додека Никола Цветаноски запиша пет погодоци за Прилеп.

Алкалоид е прв во Суперлигата со 28 бодови, односно два повеќе од Вардар и четири од Пелистер.