Вардар го „нокаутира“ Пролет, Алкалоид без милост ја прегази Струга

08 февруари 2025 - 19:22

Ракометарите на Вардар беа подобри од Пролет со 34-29, додека Алкалоид без милост ја „нокаутира“ Струга (38-14) во 17. коло од Суперлигата, со што ги потврдија фаворитските улоги во пресрет на денешните натпревари.

Вардар го контролираше текот на играта во првото полувреме, сè до завршницата кога Пролет се разигра и намали на еден гол негатива (14-15) пред паузата.

Поранешниот европски шампион имаше добар почеток на вториот дел и веднаш направи чекор кон победата, по што сигурно го чуваше водството до крајот (34-29).

Лазаревски беше најдобар стрелец кај Вардар со седум голови, додека Стојановски и Палевски постигнаа по шест голови за Пролет.

Алкалоид одигра фуриозен меч против Струга, а победата ја најави уште во првите 30 минути во кои создаде водство од +12 (17-5). Домаќинот беше за нијанса подобар од првото полувреме, но тоа не го спречи скопскиот тим да продолжи со доминацијата и да слави со 38-14.

Најдобар стрелец кај Алкалоид беше Мартин Ивановски со шест голови, додека Филип Пајкоски постигна пет погодоци за Струга.

Охрид претходно оствари триумф против Бисинов со 35-29, додека Бутел славеше против Прилеп со 33-28.