Пандев гостин на Интер: Скаутот Касираги бил најзаслужен за неговата преселба во Италија (ВИДЕО)

30 ноември 2024 - 12:32

Горан Пандев беше гостин на Интер во серијаталот интервјуа со поранешни фудбалери кои оставиле длабока трага во клубот од Милано, а во разговорот со Андреа Ранокија македонската фудбалска икона зборуваше за својата кариера и доаѓањето во Интер.

Пандев во интервјуто објаснува како со Беласица на 13-годишна возраст пристигнал на Виераеџо Купот каде што настапуваат екипи со фудбалери до 19 години, а на тој турнир блесна во најдобро светло.

Токму таму бил забележан од скаутот на Интер Пјерлуџи Касираги. Касираги се појавил во хотелот каде што бил сместен Пандев и го прашал дали сака да дојде во редовите на Интер.

Исто така неизбежна тема беше и Жозе Мурињо кој токму со генерацијата во која член беше и Пандев на италијанскиот шампион му ја донесе историската „триплета“.