Роналдо после туширање, угул гол пред огледало сам си велел – уф ама сум убав!?

10 септември 2018 - 07:30

Поранешниот англиски репрезентативец Питер Крауч, фудбалерот на Стоук објави автобиографија во која во еден дел добро го „поткачи“ најдобриот светски фудбалер Кристијано Роналдо, иако овие двајца воошто во кариерата никогаш не играле.

Крауч во својата автобиографија посочил што правел Роналдо секојпат пред огледало, а сето тоа му го раскажал Рио Фердинанд, репрезентативниот колега во „трите лава“. Фердинанд и Роналдо играа заедно во Манчестер јунајтед.

„Рио постојано ни раскажуваше како Роналдо после туширање, постојано застанувал пред огледало и тоа угул гол и само повторувал: 'уф, ама сум убав'“, пишува Крауч, па додава дека многу често фудбалерите на Манчестер јунајтед го пецкале Португалецот.

„После такво егоцентришно шоу, соиграчите ќе му речеле на Роналдо: Да, а дали Меси е подобар фудбалер од тебе? И Роналдо ќе им одговорел: 'Сигурно, ама не изгледа како мене', пишува Крауч, објаснувајќи ги зборовите на Фердинанд.