„Јас кажувам едно, вие пишувате друго, како сакате да ви зборувам!“ (ВИДЕО)

22 ноември 2017 - 10:51

Кристијано Роналдо, по подолго време, имаше добар натпревар постигнувајќи два гола во победата на Реал Мадрид против АПОЕЛ со 6-0, меѓутоа тоа не беше гаранција за негово добро расположение по натпреварот.

Кога излегоа од соблекувалните, низ т.н. „микс-зона“ за новинари, Роналдо имаше што да им порача на новинарите кои побараа изјава од него.

„Јас кажувам една работа, вие кажувате друга. Како да зборувам? Ќе кажам едно и следниот ден гледам напишано нешто што не сум рекол. Како сакате да зборувам?“, им кажа Роналдо.

Во последно време тој е „жешка“ тема за пишување, бидејќи се шпекулира за негово заминување од Реал, за нарушени односи со Серхио Рамос и со уште неколку шпански играчи од тимот.