Бетер од Балканци: Фудбалерите на Динамо Минск мора да пијат вотка за да не фатат корона!?

23 март 2020 - 09:00

Пандемијата направи големи проблеми ширум светот, па беа откажани речиси сите европските натпреварувања, но Белорусите не се грижат премногу, а кај нив фудбалското првенство почна пред два дена.

Хрватот Карло Бручиќ, кој е член на Динамо Минск, открива дека претседателот ги советувал него и соиграчите да пијат по една чашка вотка за да не фатат коронавирус.

„Имаше неколку илјади навивачи на трибините, никој не се плаши, во држава ситуацијата е стабилна, има само 69 заразени. Претседателот ни кажа да пиеме по чашка вотка секој ден и да одиме во сауна затоа што тоа помагало во борбата со коронавирусот“, вели Бручиќ.

Хрватскиот фудбалер е убеден дека првенството нема да се одложи, а открива и дека нормално тренираат во нивните центри без разлика на пандемијата.