Јужна Америка доби донација од Кина од 50.000 вакцини за фудбалска имунизација!
Јужна Америка е посебно жариште поради Бразил, чиј бразилски сој се посочува дека е најопасен, а во моментов во земјата на самбата и фудбалот владее вистински пекол од коронавирусот и новата мутација, по што бројките се ужасни, како кај заразените, така и кај починатите. Летово на програмата е Копа Америка, континенталното првенство, а КОНМЕБОЛ за да осигура безбедно одржување, како и продолжението на Копа Либертадорес, сега ќе ги подели вакцините со цел најважните чинители да бидат имунизирани.
Планот е да се поделат вакцините по националните федерации, а тие да спроведат вакцинација на своите вработени и на фудбалерите од елитните дивизии, за практично фудбалерите и стручните штабови да бидат безбедни кога ќе ги извршуваат обврските, посебно во меѓународните мечеви.
„Ова е доказ дека фудбалот е многу важен сектор како за економијата, така и за менталното здравје на јужноамериканците“, рече првиот човек на КОНМЕБОЛ, Алехандро Домингес.
Во Бразил веќе клубови почнаа да нарачуваат вакцини за имунизација и на своите навивачи, а во меѓувреме Бразилцит ене може да ги добројат заразените и починатите на дневно ниво, Аргентина до достигна најголемиот пик од појавата на вирусот, а Боливија ги затвори границите поради ширењето на ковид-19, додека Чиле ги одложи претседателските избори.
Пред една недела „Кориере дело Спорт“ најави дека УЕФА планира да ви вакцинира 24-те селекции за Евро 2021 вклучувајќи ја и Македонија, но засега нема најави дали европската централа ќе побара или веќе побарала дози за вакцинирање од некоја од компаниите, за слично на Јужна Америка преку националните федерации да ги подели и да се имунизира за почеток барем елитниот фудбал.