Кумановки држеа едно полувреме, а потоа - потоп во Лвов!
Причина за тоа е високиот пораз од Галичанка, на денешниот прв дуел, во Лвов, со 33-17. Не делуваше дека разликата меѓу двете екипи е толкава по првото полувреме, кое заврши со 11-8 за Украинките.
Меѓутоа, по само две-три минути во вториот дел, натпреварот фати потполно друга насока. Домаќинките направија серија од 5-0 или вкупно 8-1 до 39. минута, по што водството дојде до 20-11.
Од оваа точка немаше враќање назад, иако остануваа 20 минути до крајот. Негативата на кумановки стана двоцифрена, од напад во напад почна и да се удвојува, за конечни 16 разлика, со што уште сега е решен патникот во осминафиналето. Реваншот в недела (11 часот), ќе остане само формалност. Што се однесува до поединците, денеска се истакнаа Александра Боризовска и Мила Трајковиќ со по четири гола. Кај противникот, Полјак постигна осум гола, Дмитришин седум.