Заврши состанокот на Евролигата: Кошаркарите бараат прекин на сезоната!

23 мај 2020 - 21:51

Заврши состанокот на претставниците на Евролигата и кошаркарите на тимовите учесници во натпреварувањето. Капитените на клубовите се против продолжување на сезоната во елитното натпреварување, а како главни причини ги кажаа стравот од пандемијата на Ковид-19 и можноста за повреди.

Кошаркарите објаснија дека два месеци се во карантин и не се доволно подготвени за жестокиот ритам на натпреварите, односно здравјето им е најважно во ситуацијата.

На состанокот учествуваа вкупно 36 кошаркари, односно капитен и по ден кошаркар од секоја екипа, заедно со раководството на Евролигата.

Конечната одлука ќе биде донесена во понеделник, по што ќе биде познато дали сезоната е завршена или ќе продолжи.