Неверојатно: Поради победа со 27-0 доби – отказ!?

17 ноември 2019 - 09:20

За многумина вакво нешто е несфатливо, ама некои сметаат дека преголема победа е нефер и неспортски, па тренер на младиот тим на Инвиктасуаро триумфот со 27-0 скапо го плати – со отказ.

Инвиктасуаро убедливо го победил Марина Калчо, а не е првпат во некои европски земји, ваквите победи да се сметаат како непоитување, зашто неколкупати се има случено после убедлива победа отказ да добие тренерот и во Шпанија.

„Бевме зачудени, не ни се веруваше дека нашиот младински тим победил со 27-0. Вредностите во младинскиот фудбал се тотална спротивност на овој резултат. Противникот мора да го почитувате, а такво нешто не се случи“, рекле од победничкиот тим.

Откако го отпуштиле тренерот, на противничкиот тренер му упатиле извинување со објаснување „срамота е вака да се понижува противникот“.