Легенда распука по провокациите: Срамниот потег на публиката го понижи Ѓоковиќ!

15 ноември 2019 - 09:29

Некои тениски ѕвезди ја нападнаа лондонската публика поради третманот кон Новак Ѓоковиќ во дуелот против Роџер Федерер, кој беше подобар со 6-3 и 6-4.

Грег Руседски не беше среќен по поразот на Ѓоковиќ, зашто смета дека публиката го понижила со тоа што давала аплауз и овации секогаш кога Србинот ќе згреши.

„Мислам дека е непочит кога аплаудирате на грешки. Тоа е премногу. Тоа му влезе во главата на Ѓоковиќ, кога ќе направи двојна грешка и ќе слушне аплауз, таа грешка се повторува. Тажен сум поради Ѓоковиќ. Тој е голем шампион“, вели Руседски.

По мечот, Ѓоковиќ беше разочаран, но не сакаше да зборува за публката, а од друга страна Федерер се потсети на поразот во финалето на Вимблдон.