Заборавете на Ла Масија, Ајакс, Спортинг – Партизан ја има најдобрата школа во Европа! (ФОТО)
Центарот за фудбалско истражување ЦИЕС објави најнова анализа за фудбалските школи на Стариот континент и за оваа годјна број еден е школата на белградски Партизан. Од неа во моментов има 75 фудбалери кои играат низ 31 фудбалска лига во Европа. Со три фудбалери помалку, зад Партизан е славниот Ајакс, кој летово заработи 150 милиони евра од два суперталенти (Де Јонг во Барселона и Де Лихт во Јувентус).
Трет на листата е Спортинг Лисабон, клубот каде игра Стефан Ристовски, а чија школа ја минува и младинскиот репрезентативец Димитар Митровски. Лисабонските „лавови“ имаат 63 фудбалери извезено во клубовите во Европа, а еден помалку од нив има украински Динамо Киев.
На листата од најдобри шест следат Динамо Загреб, каде член е Аријан Адеми, а во младинскиот погон и Филип Антовски со 60 извезени фудбалери, а следи белградска Црвена Звезда со 59. Војводина е следна со 56 играчи, колку што има и Спарта Прага.
Интересно, Барселона со „Ла Масија“ е дури десетта со 52 играчи, колку што имаат и Бенфика и ПСВ Ајндховен.
Top training clubs for players in 31 European top divisions: @FKPartizanBG ?゚ヌᄌ takes the lead ahead of @AFCAjax ?゚ヌᄆ and @Sporting_CP ?゚ヌᄍ Congratulations ? More in last @CIES_Football Weekly Post ➡️ https://t.co/mK1MSwKWt9 pic.twitter.com/h6eBt3m6jo
— CIES Football Obs (@CIES_Football) October 21, 2019