Кузмиќ закрепнува подобро од очекуваното – под обрачите може да се врати идната година!
Кузмиќ имаше сообраќајка на магистрачниот пат Бјелина – Бања Лука, по што беше префрлен во клиничкиот центар во Белград, каде поради тешките повреди беше во индуцирана кома, а откако му беше извршена операција на горната вилиза за да може нормално да дише, сега е пуштен на домашно лекување.
„Закрепнувањето на Огњен оди многу подобро од тоа што се очекуваше. Тој само десет дена откако излезе од болница веќе шеташе низ град, што е неверојатно. Ако вака продолжи закрепнувањето, има големи шанси во вториот дел од сезоната да се врати на паркетот, што значи некаде на почетокот на идната година. Нормално, сето тоа е ако состојбата биде ваква и нема некакви компликации“, рекол изворот за српските медиуми.
Портпаролот на белграѓани, Игор Вујичин изјавил дека во моментов враќањето на теренот е во втор план.
„Огњен добро се чувствува, постојано е во контакт со лекарите, редовно оди на контроли и сѐ оди на подобро. За враќањето на терен, рано е да говориме и прецизно да кажеме кога би можел да се врати, зашто има повреди на градниот кош иглавата, што не се наивни. Потрбно е сега само да се врати во нормален живот, а потоа ќе видиме. Сѐ зависи од лекарите“, вели Вуичин.