„Желба на Михаел Шумахер е никој да не знае за неговото здравје“
Утре големиот Шумахер ќе наполни 50 години. Неговиот поранешен клуб Ферари најави изложба со сите можни експонати од неговиот претстој во „црвениот барон“ и освоените пет шампионски титули од седумте кои ги има во кариерата. И првпат по трагедијата, сопругата на Шуми, Корина во соопштение за јавноста им се заблагодари на сите за поддршката што Шумахер ја добива секојдневно.
„Драго ни е и од сè срце ви се заблагодаруваме што ќе го прославите 50-от роденден на Михаел, со него и сонас. Можете да бидете сигурни дека е во добри раце и дека правиме сè што е можно за да му помогнеме. Ве молам за разбирање, зашто ние постапуваме по неговите желби, а чувствителните теми како здравјето се приватност и желба на Милаел да не се знае ништо за тоа. Ви благодариме на поддршката, пријателството и Ви посакуваме среќна 2019 година“, напишала Корина.
За состојбата на Шумахер не знае никој-ништо, а последна информација која се појави е дека месечно лекувањето на големата автомобилистичка ѕвезда чини 55.000 евра.