Покетино добро го наплатил заминувањето од САД – во Јунајтед ќе заработува многу повеќе!

13 ноември 2026 - 21:49

Маурисио Покетино и официјално ја презема тренерската функција во Манчестер јунајтед, а во англиските медиуми веќе се појавија и детали за богатата плата што ќе ја добива на „Олд Трафорд“.

Аргентинскиот стратег постигна договор со англискиот гигант и на новата функција треба да стапи на 18 ноември. За да го обезбеди неговиот потпис, Јунајтед мораше да преговара со Фудбалската федерација на САД за предвремен прекин на соработката, а според „Би-Би-Си“, клубот ја активирал и откупната клаузула од 8,9 милиони евра.

Според информациите од англиските медиуми, Покетино ќе има месечна плата од околу еден милион евра, што значи дека ќе биде меѓу најплатените тренери во Премиер лигата.

Со вакви примања, Аргентинецот ќе се најде во друштво на најплатените стратези во англискиот фудбал, меѓу кои се Оливер Гласнер од Нотингем Форест, Чаби Алонсо од Челси и Енцо Мареска од Манчестер Сити.

Неговиот нов договор претставува сериозен финансиски скок во споредба со заработката што ја имаше како селектор на САД. На чело на американската репрезентација Покетино заработуваше околу шест милиони долари годишно, а сега во Манчестер ќе има далеку повисоки примања.