Де Брујне бега од Наполи по кавга со соиграч - се сели во балканска колонија!

Првичните контакти помеѓу двете страни се веќе воспоставени, а Белгиецот воопшто не ја отфрлил можноста за преселба во Холандија. Главната причина за неговото предвремено заминување од Наполи, на само шест месеци пред истекот на договорот, е отворениот конфликт со соиграчот Лоренцо Лука, по кој целата соблекувална на италијанскиот тим застанала на страната на италијанскиот фудбалер.

Иако Де Брујне и понатаму е стандарден првотимец во екипата на Наполи, за која оваа сезона веќе постигна четири погодоци и забележа една асистенција, сè поизвесно е дека наскоро ќе го напушти Неапол. Раководството на ПСВ е подготвено да издвои значителни финансиски средства за неговата плата, применувајќи го истиот модел како при неодамнешното донесување на Иван Перишиќ, додека самото обесштетување кон италијанскиот клуб би било значително попристапно поради неговата договорна ситуација. Доколку преговорите вродат со плод, евентуалното деби на белгискиот репрезентативец би можело да се случи на 10 јануари на големото дерби против Феенорд, со оглед на тоа што тој не би имал право на настап во јануарските натпревари од Лигата на шампионите.

Со овој сензационален трансфер, Де Брујне би се приклучил на вистинската балканска колонија во Ајндховен, каде покрај Хрватот Перишиќ, настапуваат и српскиот репрезентативец Филип Костиќ, како и членот на селекцијата на БиХ, Есмир Бајрактаревиќ.