Меси вторпат по ред најдобар стрелец во МЛС – нашинец е на петтата позиција (ВИДЕО)

Во синоќешното последно коло, неговиот Интер Мајами ремизира против екипата на Шарлот (3-3). Домашните фудбалери имаа убедливо водство од 3-0 по одличното прво полувреме благодарение на погодоците на Иан Фреј, Луис Суарез и Родриго де Пол, но гостите приредија неочекуван пресврт и во неизвесна завршница успеаја да израмнат до последниот судиски свиреж. Аргентинецот не ја затресе противничката мрежа на овој натпревар, но остана недопирлив на врвот на листата на стрелци без вистинска конкуренција, оставајќи го зад себе Хрватот Петар Муса од Далас кој запиша 22 гола, додека третото место му припадна на Англичанецот Сем Сариџ со 21 погодок. На петтата позиција се најде нашинецот Милан Илоски.

Екипата од Флорида ја заврши сезоната како второпласирана во Источната конференција со 74 бодови, а во плеј-оф фазата ќе се соочи со Колумбус Кру. Овој тим стигна до последната карта за доигрувањето преку драматична победа над Чикаго Фајр (4-3), обезбедена со голот на Брајс Мендес во самиот финиш. Првото место на Истокот му припадна на Нешвил, кој со фантастични 77 бодови го урна досегашниот рекорд на Интер Мајами.

Во Западната конференција, лидерската позиција ја осигураа Ванкувер Вајткепс по триумфот над Монтреал (2-0) со головите на Чеик Сабали и Михаил Герасименков. На Западот се истакна и екипата на Далас која го совлада Колорадо (3-1) со погодоците на Хоакин Валиенте, Каик и Сантијаго Морено. Орландо Сити, предводен од Антоан Гризман, избори пласман во баражот со минимална победа над Њу Ингланд Револушн (1-0) преку стрелецот Брајан Охеда, со што закажа дуел против Синсинати за влез меѓу осумте најдобри.

На крајот од регуларниот дел, Реал Солт Лејк го елиминираше Лос Анџелес Галакси (2-1), додека Сиетл Саундерс ќе игра против нив откако со идентичен резултат славеше над ЛАФЦ.