Зидан изненади со повикот за еден напаѓач, ова не се случило 53 години

07 ноември 2026 - 07:40

Селекторот на француската репрезентација, Зинедин Зидан, го објави списокот на фудбалери за претстојните натпревари во Лигата на нации против Италија и Турција, а најголемото изненадување е првиот повик за напаѓачот на Париз, Пабло Пажис.

Пажис стана првиот фудбалер на Париз кој добил повик во репрезентацијата на Франција во последните 53 години.

На списокот се враќа и Орелиен Чуамени, а Зидан се одлучи за вкупно 23 фудбалери. Сепак, Французите ќе бидат значително ослабени бидејќи поради повреди ќе недостасуваат неколку важни играчи: Вилијам Салиба, Жил Кунде, Максенс Лакроа, Ману Коне, Усман Дембеле и Естебан Лепол.

На местото на Кунде е повикан Мало Густо. Дејо Упамекано исто така е на списокот, но поради суспензија нема да може да настапи на гостувањето во Милано.

Франција на 12 ноември од 20:45 часот ќе ѝ гостува на Италија, додека три дена подоцна, на 15 ноември, ќе ја пречека Турција.

Списокот на Франција:

Голмани: Мајк Мењан, Гијом Рест, Робин Рисер.

Одбрана: Енди Диуф, Мало Густо, Жереми Жаке, Пјер Калулу, Ибрахима Конате, Адриен Труфер, Дајо Упамекано, Лени Јоро.

Среден ред: Едуардо Камавинга, Рајан Шерки, Лука Да Куња, Адриен Рабио, Орелиен Чуамени, Ворен Заир-Емери.

Напад: Бредли Баркола, Дезире Дуе, Килијан Мбапе, Мајкл Олисе, Пабло Пажис, Маркус Турам.