Тиквеш се извини зашто не му оддаде почит на Лазар Илиев - Студенот!

Од кавадаречкиот клуб упатија извинување до семејството, пријателите, навивачите и сите граѓани на Кавадарци.

„ГФК Тиквеш упатува искрено извинување до семејството, пријателите, навивачите и сите граѓани на Кавадарци поради тоа што на денешниот натпревар против ФК „Скопје“ не беше оддадена минута молчење во чест на нашиот Лазар Илиев – Студенот.

Свесни сме за значењето и почитта што фудбалерот ја заслужуваше, како човек кој оставил длабока трага во спортот и во историјата на нашиот клуб.

Овој пропуст не треба да биде причина за поделби, обвинувања или напади врз клубот. ГФК „Тиквеш“ е градски клуб, клуб на сите Кавадарчани, и веруваме дека заеднички треба да ја негуваме неговата традиција и вредности.

Воедно, ги повикуваме сите наши сограѓани, навивачи и добронамерници, доколку забележат дека е потребно да се одбележи некој важен настан, да се оддаде почит или да се направи нешто што клубот можеби ненамерно го пропуштил, навремено да нè известат или да ни дадат свој предлог и совет. Секој добронамерен предлог е добредојден.

На следниот натпревар на домашен терен ќе ја исправиме оваа грешка и ќе му оддадеме достојна почит на нашиот фудбалер.

Тиквеш е на сите нас. Заедно да го чуваме и почитуваме“, соопшти Тиквеш.

Фото: Facebook/ГФК Тиквеш 1930 Кавадарци