Браќата Белингам првпат заедно ќе заиграат во репрезентацијата

06 ноември 2026 - 16:43

Англиската репрезентација добива уште еден член на семејството Белингам. Џоб Белингам за првпат доби повик во сениорската селекција на Англија, откако селекторот Томас Тухел го вклучи на списокот за ноемвриските натпревари во Лигата на нациите.

Така, 21-годишниот фудбалер на Борусија Дортмунд ќе има можност да игра заедно со својот постар брат Џуд, кој веќе е еден од најважните играчи на англиската репрезентација.

Џоб во Дортмунд пристигна во летото 2025 година од Сандерленд, клубот во кој претходно настапуваше и неговиот брат. Со добрите настапи во Германија успеа да го привлече вниманието на Тухел, кој сега му испрати прв повик за националниот тим. Покрај него, првпат повикан е и 19-годишниот Џошуа Кинг од Фулам.

Англија во ноемврискиот репрезентативен циклус ја очекуваат два сериозни предизвика. На 12 ноември ќе ја пречека Хрватска, а три дена подоцна ќе гостува во Шпанија.

На списокот, сепак, повторно го нема Кол Палмер. Фудбалерот на Челси продолжува да има проблеми со повредите, поради што повторно нема да биде дел од националниот тим. Надвор од комбинација се и Коби Мејну, Нони Мадуеке и Нико Орајли. Поради повреди, Тухел не може да смета ниту на Трево Чалоба, Рис Џејмс, Тино Ливраменто, Џон Стоунс, Алекс Скот, Букајо Сака и Маркус Рашфорд. Меѓу повиканите повторно се најде Трент Александер-Арнолд, додека од Ливерпул единствен претставник е младиот Рио Нгумоа.