Историја: Лацио прави чуда во Серија А - преседан невиден речиси 6.000 дена!

Со овој триумф, избраниците на тренерот Џенаро Гатузо стигнаа до деветта првенствена победа и се искачија на самиот врв на табелата, позиционирајќи се како осамени лидери за првпат по пауза од дури 5.836 дена. Според моменталниот поредок по десет одиграни кола, „лацијалите“ имаат 28 бодови, оставајќи ги зад себе екипите на Интер со 25, Рома со 24 и Комо кој има 23 бодови.

И покрај извонредниот старт на сезоната, стратегот на римскиот клуб, Џенаро Гатузо, се обидува да ја смири еуфоријата и не сака неговите играчи прерано да почнат да размислуваат за борбата за Скудетото. Тој посебно нагласи колку е важно да се зачуваат вербата и заедништвото, бидејќи без нив екипата го губи она што ја издвојува од останатите.

„Најдобро е сега да не гледаме во табелата, бидејќи може да ни се заврти во главата. Мораме напорно да работиме, да се одмориме, па повторно да продолжиме со истото темпо. Ова е тим кој верува во себе. Работиме, не се жалиме и не се откажуваме. Без таков дух стануваме обичен тим“, порача Гатузо.

Следен голем предизвик за разиграниот состав на Лацио ќе биде натпреварот од 11. коло во италијанското првенство, кога в недела ќе замине на исклучително тешко гостување кај екипата на Наполи.