Хет-трик на Роналдо - уште 15 гола до магичната граница (ВИДЕО)

29 октомври 2026 - 21:18

Кристијано Роналдо постигна три гола во победата на Ал-Наср од 5-3 против Ал-Холуд и стигна до вкупно 985 погодоци во професионалната кариера. До остварувањето на неверојатната цел од 1.000 гола го делат уште само 15 реализации.

Натпреварот од 12. коло во саудиското првенство донесе вистинска голеада. Ал-Холуд прв поведе преку Жулиен Домингеш во 16. минута, но Ал-Наср брзо возврати. Анжело Габриел израмни во 24. минута, а Садио Мане во 38. минута му донесе предност на домашниот состав.

Гостите не се предадоа и во судиското продолжение од првото полувреме преку Лоик Есомба израмнија на 2-2, најавувајќи неизвесна битка во продолжението. Тогаш на сцена стапи Роналдо. Португалецот повторно го доведе Ал-Наср во водство во 66. минута, а шест минути подоцна уште еднаш ја затресе мрежата за 4-2. Хет-трикот го комплетираше во 81. минута, со што практично го реши прашањето околу победникот.

Ал-Холуд успеа да постигне уште еден гол од пенал во завршницата, но тоа не ја промени конечната разврска. Жоао Феликс беше еден од најзаслужните за убедливиот триумф, забележувајќи четири асистенции, од кои две беа за головите на Роналдо. Со оваа победа Ал-Наср продолжува да се бори за врвот во саудиското првенство, а вниманието повторно е насочено кон личниот подвиг на неговата најголема ѕвезда.