Барди емотивно: Македонија секогаш наоѓа сила да се врати!

Репрезентацијата доживеа четири порази во новата сезона од „Б“ дизвијата во Лигата на Нации, Барди признава дека зад него и соиграчите се тешки денови, но порача и дека Македонија ќе најде сила да се врати на вистинскиот пат.

„Дадовме сè од себе, се боревме до крај, но некогаш ни максимумот не е доволно. Многу тешки денови поминавме, за секој беше тешко. Идеме заедно да се вратиме подобри. Само критика и машки да се вратиме. Разочарувањето боли... Но ако нешто научивме низ годините, тоа е дека Македонија секогаш наоѓа сила да се врати. ЌЕ СЕ ВРАТИМЕ. МОРАМЕ ДА СЕ ВРАТИМЕ! Главата горе. Ова не е крајот на нашата приказна“, порача капитенот.

Следните два натпревари за Македонија се во средината на ноември со Шкотска на гости и Словенија дома.