Потера по англиски репрезентативец: Ќе предизвикал тешка сообраќајка, па бегал од полицијата!

Пикфорд бил запрен по потера од полицијата, откако претходно игнорирал знак за да пропушти други возила и да се вклучи на улица при што за малку ќе предизвикал тешка сообраќајна незгода.

Инцидентот се случил уште на 14 април, а против голманот на Евертон е почната судска постапка поради невнимателно возење. Пикфорд признал дека е виновен, а на 7 декември треба да се појави пред суд и да ја дознае пресудата.

Според судските документи, полицаецот Рикардо опишал што се случило и зошто Пикфорд е обвинет.

„Бев присутен кога се случи инцидентот. Забележав сино Ламборгини како игнорира знак за пропуштање на возила и се вклучи во сообраќај, при што две возила мораа нагло да запрат за да избегнат тешка сообраќајка“, вели тој.

Полицаецот тргнал во потера по голманот, кој возел со 80 км/ч на место каде што било предвидено да се движи со 48 км/ч.

Фото: Facebook/England football team