Рустемовски обезбеди медал за Македонија на ЕП во Софија

23 септември 2026 - 15:14

Македонскиот боксер Ален Рустемовски продолжува со одличните настапи на Европското првенство во Софија и обезбеди медал откако славеше во четвртфиналето против Ерменецот Базејан со 4-1.

Рустемовски претходно во осминафиналето беше подобар од Вилијам Хјуит, исто така со 4-1, по што без многу проблеми го реши и Базејан за пласман во полуфинале.

Обезбедувањето на најмалку бронзен медал на ЕП во Софија е еден од најголемите успеси во неговата спортска кариера, но не планира да запре затоа што пред него е нов предизвик и ќе се бори за највисок пласман на натпреварувањето.

На ЕП во Софија настапуваат околу 400 боксери и боксерки од вкупно 40 земји.