Ф1 ги менува правилата - трките ќе бидат пократки, а болидите ќе трошат повеќе гориво!
Покрај ова, пресметките на стазите кои во моментов се ограничени на најмногу два часа возење, во случај на прекин поради дожд или инциденти ќе добијат „фиксно време на завршување“. Овој новитет ќе го замени досегашното максимално траење од три часа за комплетирање на трката, со што ќе се овозможи поголема флексибилност прекинатите трки да можат успешно да се завршат. Фиксното време на завршување ќе се разликува од трка до трка, во зависност од локалните услови, при што на ноќните трки ќе има повеќе простор за поместување на крајот отколку на дневните трки кога сонцето заоѓа релативно рано.
„Овие промени се воведени за да се обезбеди гледачите да имаат што поголеми шанси да ја проследат целата трка доколку дојде до прекин“, се наведува во официјалното соопштение на Меѓународната автомобилска федерација (ФИА).
Намалувањето на должината на трките е директно поврзано со промената на односот на силата меѓу моторот со внатрешно согорување и електричната погонска единица. Овој сооднос, кој годинава изнесува 53:47, следната година ќе премине на 58:42, а потоа на 60:40 за 2028 година. Ваквите технички промени значат дека болидите ќе трошат повеќе гориво, што предизвика загриженост бидејќи одредени екипи сакаат да ја задржат постоечката шасија и во следната сезона за да заштедат финансиски средства. Со оглед на тоа што резервоарот за гориво се наоѓа во шасијата и неговата зафатнина не може да биде променета, се појави опасност некои екипи да не можат да ги завршат трките со постоечките резервоари.
На состанокот на Комисијата на Формула 1, тело задолжено за носење правила кое го сочинуваат претставници на екипите, ФИА и сопственикот на комерцијалните права на Формула 1, договорена е уште една значајна промена. Станува збор за воведување „поголема флексибилност за продолжување на слободните тренинзи доколку дојде до прекин“. Според досегашните правила, часовникот не се запираше за време на тренинзите кога поради инцидент беше истакнато црвено знаме, за разлика од квалификациите и трките каде што натпреварувањето се прекинува.