Хит понуда на Евертон: За 25.000 фунти можете да стане фудбалер на една недела!

Имено, Евертон нуди можност една недела буквално да станете играч на клубот, односно да искусите и поминете низ сè она што во една недела поминува еден фудбалер.. Но, за такво нешто ќе треба да платите 25.000 фунти.

„Карамелите“ на своите навивачи, но и на сите љубители на фудбалот, им го претставија својот ВИП аранжман кој можете да го купите за споменатата сума и така седум дена да бидете најблиску што можете до професионален фудбалер во Премиер лигата.

Целта, пред сè, е да добиете увид во тоа како изгледа една вообичаена недела во животот на фудбалер на Евертон.

Што вклучува пакетот?

- Престој во хотелот во кој редовно престојуваат играчите

- Тимски појадок со фудбалерите

- Патување со тимот

- Учество на еден тренинг

- Присуство на тимските состаноци и состанок со менаџерот

- Загревање со резервните играчи покрај аут-линијата

- Седење на клупата за резерви за време на натпреварот

- Персонализирана маица