Куп на Македонија: Брегалница со пресврт, Башкими броеше до пет, арачиновци го освоија Радовиш!

Штипскиот состав имаше негатива во првиот дел од натпреварот (0-1), но во продолжението направија целосен пресврт и го потврдија своето место во следната фаза од натпреварувањето. Овој натпревар беше дел од пакетот средби со кои продолжи шеснаесетинафиналната рунда во националниот Куп.

Во останатите натпревари од денешната програма беше забележана голема драма во Новаци, каде истоимениот домаќин стигна до минимална победа против Охрид (1-0) благодарение на погодокот постигнат во 90. минута. Значително полесна задача имаше Башкими, кој на гостувањето кај БВК Коњаре доминираше во текот на целиот натпревар и славеше со високи 5-0. Фаворитската улога ја оправда и Шкендија Арачиново, која го совлада Детонит (3-1) во Радовиш, додека со идентичен резултат Беласица триумфираше над Осогово. Скопје го обезбеди својот пласман со победа на гостувањето кај Кожув (1-0), а стрелец на единствениот погодок беше Виктор Ангелов. Во рамките на оваа фаза се сретнаа и екипите на Саса и Шкупи (1-0).

Овие екипи им се приклучија на Силекс, Струга ТЛ, Пелистер, Македонија ЃП, Брера и Вардар, кои веќе го имаа обезбедено своето место меѓу најдобрите шеснаесет екипи во Купот. Првата рунда од натпреварувањето ќе биде целосно комплетирана по одигрувањето на преостанатите три натпревари.

Екипите на Могила и Арсими ќе се соочат на 24 септември, додека за октомври се закажани дуелите помеѓу Кросу Спорт Битола и Тиквеш (6 октомври), како и Вардар Неготино и Работнички (14 октомври).