Вардар фуриозно тргна во одбрана на тронот и ги прегази младите пелистерци (ФОТО)

04 септември 2026 - 19:37

Вардар со сигурна игра и убедлива победа од 31-19 против Пелистер 2 тргна во одбрана на титулата освоена минатата сезона.

Јасно беше дека избраниците на Чупиќ ќе бидат фаворити против младите момци предводени од Бранислав Ангеловски. Рамноправни гостите беа само во почетните минути, а потоа домашниот состав почна да се одлепува.

Првата посериозна разлика Вардар ја направи со серија од 4-0 кога поведе 8-4. Во продолжение до крајот на првиот дел со неколку мини серии „црвено-црните“ дојдоа до предност од 18-9.

Не се промени ништо ниту во вториот дел, Вардар продолжи да доминира и да ја зголемува разликата за на крајот да слави со 12 голови разлика. Најефикасен кај Вардар беше Матео Фадуил со шест гола, додека по пет постигнаа Урош Митровиќ и Тузолана. На спротивната страна четири гола постигна Кристијан Симоновски.

Ова беше и единствениот натпревар првото коло во денешната програма, додека за викендот в недела од 19:00 часот ќе го гледаме дербито помеѓу Охрид и Пелистер.